Rogaine Laudio_eu

Azken oharrak

- Entresaka lanak daude maparen zati batean, bide berriak egiten ari dira eta baliteke baten bat mapan ez agertzea. Igandean ez dira lanean egongo eta pilatutako enborrak bide bazterretan egongo dira.

- Udaberria da, landaretza asko hazi da. Hau dela eta baso garbiak zirenak orain metrotik gorako iratzeak aurki daitezke. Kontuan izan, eguzkia jotzen duen lekuetan landaretza asko hazi egin dela.

- Mapako leku askotan iturriak daude, edan eta botilak betetzeko. Magenta kolorezko edalontzi sinboloarekin marraztu dira.

Sarrera

Laudioko 1.go Orientazio jaia 2022 ko ekainaren 26an, igandea, ospatuko da Laudion. Harrera, irteera eta helmuga Aldai plazan izango dira.

• Kasu honetan, bai partehartzaileek baita laguntzaileek ere izen eman beharko dute, derrigorrezko kirol aseguruarekin, gainera

Egitaraua

Ekainak 26, igandea

• 08:15 ean. Harrera irekiera Aldai plazan.

• 09:00 etan. Orientazio ikastaro laburra, 15minutu (mapa ulertzeko kontzeptuak azalduko dira)

• 09:15 ean. Maila gorriaren azalpen laburra, maparen banatze, irekitze eta irteera (09:30)

• 09:45 ean Maila laranjaren azalpen laburra, maparen banatze, irekitze eta irteera (10:00)

  • 11:15 ean. Maila horiaren azalpen laburra, maparen banatze, irekitze eta irteera  (11:30)

• 12:30 ean. Maila horiaren helmuga itxiera

• 13:00 etan. Maila laranjaren helmuga itxiera

• 13:30 ean. Maila gorriaren helmuga itxiera

• 13:45 ean. Sari banaketa eta agurra

Ibilbideak eta distantziak

Partaideek 3 ibilbide ezberdin izango dituzte. Gorria eta Laranja bereziki menditik izango dira eta desnibela 1000 metro ingurura ere irits daiteke kontrol-puntu gehienetatik pasatuz gero. Horian, aldiz, herrigunean zehar jokatuko da.

Hauek izango da ibilbide bakoitzaren iraupena (hau luzatzekotan lortutako puntu guztiak galduko dira):

• Gorria   ———— 4h   30 baliza

• Laranja ————  3h   30 baliza

• Horia   ————– 1h   10 baliza

Laranja eta Gorria ibilbidetan sari banaketa egongo da. Emakumezkoen eta Gizonezkoen lehen hiru sailkatuek bertako produktuen saski bat izango dute sari gisa.

Horian ez da sailkapenik egongo jolastzat hartuko dugulako. Horretarako hainbat proba berezi bete beharko dituzte 10 baliza horietako batzuk pikatu ahal izateko.

10 Balizetatik hirutan buru-hausteak izango dituzue, asmatuz gero baliza pikatuko dituzue, nahi beste aukera izango dituzue asmatzeko, Beste hirutan zuhaitz-eskalada, mikadoa eta papiroflexia egin beharra izango duzue. Guzti hori baliza topatu ostan, noski!

Informazio teknikoa

Hauek dira probaren ezaugarriak:

• • Denbora hartzea: SPORTident; Open horian eskuz.

  • Mapa: orientazio mapa, IOF araudia jarraituz

  • Egileak: Aaron Garmendia (2021-2022)

  • Ibilbideak: Aaron Garmendia

  • Eskala: 1:10.000 (1:5.000 Open Horian)

Ohar garrantzitsua

Proba bai mendian eta hiri-ingurune batean egingo da eta trafikoa irekita egongo da. Beraz, uneoro errespetatu beharko dira dauden zirkulazio-arauak.

Gogoratu ere, inguruarekiko errespetua gure kirolaren oinarrizko arau bat dela.

Kategoriak

• • Open Horia

  • Open Laranja: Emakumezkoa

  • Open Laranja: Gizonezkoa

  • Open Gorria: Emakumezkoa

  • Open Gorria: Gizonezkoa

  • Laguntzailea

Materiala

Partehartzeko iparrorratza eta SPORTident pintza beharko dituzu . Ez badaukazu iparrorratzik, orientazio-iparrorratzak prest egongo dira behar dituztenei uzteko irteeran.

Kronometraje sistema elektronikoa da (SPORTident; Air sistema EZ da erabiliko); parte-hartzaileek pintzak alokatu ahal izango dituzte. Sistema honen bidez emaitzen gestio azkarrago eta hobea lortuko dugu eta, gainera, parte-hartzaileek ere errazago "pikatuko” dituzue balizak. Pintza galduz gero, balio duena ordaindu beharra dago (40 euro).

Gure lasterketan sarri parte hartzen baduzu, gure gomendioa pintza erostea da. Informazio orokorreko gunean azalpen gehiago dituzue.

Norberaren Kirol Ekipamendua

Arropa erosoa oinez joateko edo korrika egiteko. Euria ariko balu, aldatzeko arropa ekarri.

• Laranja (3 ordu) eta gorria (4 ordu) ibilbideetan, derrigorrezkoa izango da  edaria  (1litro) eta jateko zerbait (barra energetikoak edo antzekoak) eramatea.

• Telefono mugikorra. 

• Plastikozko edalontzia (helmugako likido jasotzeko, zaborrak murrizteko)

gomendagarria: 

• Praka luzeak erabiltzea gomendatzen dugu, baita eguzki krema ere

• botikin txiki bat

• Kapela/buff

Prezioak

• • 2 euro. Parte-hartzaileak eta laguntzaileak inskribatu behar dira Runediaren bidez. Adingabekoak: Euro 1 deskontu moduan (Laguntzaileak: Aukeratu hori ibilbide bezala, eta ez aukeratu pintza alokatzea).

  • Kirol Asegurua: 2 euro (derrigorrezkoa kasu honetan, bai partehartzaileentzat, baita laguntzaileentzat, beste bat ez badaukazu)

  • SPORTident Alokairua: 2 euro. Adingabekoak: Euro 1 deskontu moduan

  • In situ Izen-emateak: EZIN izango da

Kirol asegurua

Mendi mailako kiroletarako asegururik ez baduzue, kasurako FEDO edo mendiko lizentzia, kasu honetan eguneko asegurua kontratatzea derrigorrezkoa da, bai partehartzaileentzat, baita ere laguntzaileentzat. 2€ko prezioa du eta, baliokoa izateko, izen ematea egiterakoan datu guztiak bete behar dira horretarako formularioan (izena, bi abizenak, NAN zk., eta jaiotze-data).

Izen emateak eta epeak

Runediaren bidez. Izena eman baino lehen, kontuan izan hurrengoa:

• Runediako inskripzio talde batek ez dauka erlaziorik proban egiten diren taldetxoekin. Bakarrik hainbat pertsonen inskripzioa eta ordainketa batera egiteko pentsatua dago.

• Proba honetan laguntzaileek izena eman beharko dute.

• Izena ematen duten partehartzaileek daukate eskubidea maparako, pintzarako, asegururako eta amaierako janari eta edarirako. Laguntzaileek, ordea, mapa eta pintza ez dituzte jasoko.

• Izena ematen duten laguntzaileek asegururako eta amaierako janari eta edarirako eskubidea daukate..

Ekainak 22a, azteazkena, 23:59ra arte. Momentu horretatik aurrera formularioa itxi egingo da.

Mugikorrean edo tablet-ean gaizki ikusten baduzue, horizontalean jarri edo hurrengo zuzeneko esteka erabili: 

https://runedia.mundodeportivo.com/inscripcio/202254609

Izen ematea eginda eta baieztatuta daukazuenean hurrengo estekan ikus dezakezue: 

https://runedia.mundodeportivo.com/inscripcio-inscrits/202254609

ANIMATU ETA PARTE HARTU!