3. Proba. Sopela



                                                                   En castellano

Sarrera



2019ko otsailaren 24an, igandea, orientazioa Sopelara bueltatuko da Jesús de la Fuente Zirkuitu Herrikoiko 3. probarekin. Lehen ilunpekoa, rogainea eta Munarrikolandatik lasterketak ospatu baditugu, oraingo honetan Sopelako benetan dotorea den kostaldetik antolatu dugu proba.

Informazio guztia irakurri eta gero zalantzarik badaukazu, bidali mezua cobidea@gmail.com-era.

Egitaraua


2019 ko Otsailak 24a, Domeka


  • 09:30 Konpetizio zentruaren irekiera eta SPORTident jasotzea (Foru plazan)
  • 09:45 Azalpentxoa
  • 10:00 Lehenengo irteerak 
  • 11:30 Azken irteerak
  • 14:00 Helmugaren itxieran

Proba bukatzean zerbait jateko eta edateko egongo da parte hartzaile guztientzat.

Lasterketa bukatu ondoren Etxebarri Zeharkaleko polikiroldegian dutxa hartzeko aukera izango duzue. BAKARRIK 14:00 ARTE!!!


Deskribapena

Proba hiru ibilbideetako bat (open horia, open laranja edo open gorria) betetzean datza. Parte-hartzaileak, banaka edo taldeka, tarteka aterako dira eta mapan markatutako puntu guztietatik eta ordenean igaro beharko dira. Mapa irteeran emango da. Puntu batetik hurrengora joateko bakoitzak nahi duen bidea aukeratuko du.

Parte-hartzaileek SPORTident pintza elektronikoa eramango dute eta baliza bakoitzean dagoen estazioan sartu beharko dute. Helmugaren ostean datuak ordenagailu batera pasatuko dira.

Nahiz eta ibilbide osoa ez bete, derrigorrezkoa izango da helmugatik pasatzea antolatzaileek jakin dezaten parte-hartzailea galdu ez dela.

Proba hiriko erdigunean eta inguruko auzoetan izango da. Hiri-proba denez, ez da zailtasun handirik egongo. Horrexegatik garrantzitsuena puntu batetik besterako bide hobea bilatzea izango da. 

Proban zehar landak, basoak, sasitzak eta hondartza artean pasa ahal izango dituzue. Azken balizak, ordez, hirikoak izango dira.

Lasterketa mikrosprint batekin amaituko da. Horretarako, mapak 1:500 eskalako leiho bat izango du mikrosprint eta helmuga gunea aipatuz. Mikrosprinten baliza guztiek kontrol-zenbakia izango dute, baina bakarrik ibilbide horia eta laranjak kontrol deskribapena izango dute. Ibilbide gorriak ez du mikrosprinten balizen kontrolen deskripzioa izango. Mikrosprinteko ibilbide desberdinak prestatu egin ditugu, gainera. Horrez gain, ibilbide gorrian alde honetan egindako huts bakoitzak 5 minutuko zigorra izango du. Zigorra jasotzeko arauak proba osoarentzat aplikatuko dira. Orduan, ibilbide gorrien partehartzaileek ezin izango dute akatsik egin lasterketa osoan.


Hauek dira beste ezaugarriak:
  • Kronometrajea: SPORTident
  • Mapa:  ISOM 2017 araua jarraituz
  • Egilea: Karlos Lazkano (Josu Ullibarrik berrikusita 2019an)
  • Eskala: 1:7.500
  • Urrunkidetasuna: 5 metro
  • Azalera: 4 km2
Orientazio lasterketetako araudi orokorra hemen ikus dezakezue.

Ohar Garrantzitsuak

  • Gogoratu beharrezkoa dela edozein kasutan helmugatik eta SPORTident ordenadoretik igarotzea, antolakuntzak jakin dezan.
  • Lasterketa inguruan babestutako zenbait jabetza pribatuak daude eta guztiz DEBEKATUTA dago haietan sartzea. Mapan berdez daude marraztuta.
  • Zure ibilaldia betetzeko ez dago hesitik pasatzeko beharrik. Zuen ibilbidea pentsatu beharko duzue haietatik ez igarotzeko.
  • Proban zehar ez da trafikoa moztuko, beraz zirkulazio arauak errespetatu beharko dira. Errepide nagusietan magentaz agertuko dira derrigorrezko pasabideak, bete legezko lekuetatik.
  • Arropa eta motxilak gordetzeko aukera egongo da.

Distantziak eta Desnibelak


3 kategoria egongo dira balizen zailtasuna eta distantzia kontuan hartuz. Oraingoan honela deituko dira: 

  •  Open horia: 2.120m. +55m 

             Umeentzat, hasiberrientzat edo orientazioa lasai hartzen dutenentzat. 

  • Open laranja: 3.790m. +125m
            Jadanik orientazioan aritu direnentzat. Zailtasun tekniko eta fisiko ertaina. 
            Gizonezkoen eta emakumezkoen sailkapena egongo da kategoria honetan

  • Open gorria: 6.490m. +255m
            Orientazioan esperientzia handia dutenentzat. Zailtasun tekniko eta fisiko altua. 
            Aurten gizonezkoen eta emakumezkoen sailkapena egongo da kategoria honetan.

 

Proban zehar ez dago zailtasun handirik. Hori bai, gogoratu goiko distantziak lerro zuzenean neurtu direla; beraz, %40 inguru gehiago beharko dituzue proba betetzeko, kaleetan zehar ezin izango duzuelako zuzenean joan.


Materiala

  • Polainak edo galtzerdi haundiak: oso egokiak open gorria eta open laranjan parte hartzeko
  • Arropa erosoa oinez joateko edo korrika egiteko. Euria ariko balu, aldatzeko arropa ekarri.
  • Mendian korrika egiteko zapatillak.


Partehartzeko iparrorratza beharko duzu eta SPORTIdent pintza ere. Ez badaukazu iparrorratzik, orientazio-iparrorratzak prest egongo dira behar dituztenei uzteko irteeran. Horren fidantza bezala NANa utzi beharra dago. Kopurua mugatua da.

Kronometraje sistema elektronikoa da (SPORTIdent). Parte-hartzaileek pintzak alokatzeko aukera izango dute (fidantza bezala NANa utzi beharra dago). Sistema honen bidez emaitzen gestio azkarrago eta hobea lortuko dugu eta, gainera, parte-hartzaileok ere errazago "pikatuko” dituzue balizak. Pintza galduz gero, balio duena ordaindu beharra dago (40 euro).

Irteerak

Irteerak 10:00etatik 11:30etara izango dira. Beraz, ez da beharrezkoa bertan hasieratik egotea. Hurbildu zaitez irteera hartu nahi duzun ordua baino minutu batzuk lehenago. Irteeran bertan parte hartzaileak tarteka jarriko dira. 

Irteera Zabalbide kaletik parking-etik 700 metrotara dago, eta Kirol Zentrutik 900 metrotara. (10 minutuko ibilaldia). Ibilbidea prebalizatua izango da; derrigorrezkoa izango da marra hauek jarraitzea, bereziki Sopela - Plentzia (BI-634) errepidetik pasatzeko. Puntu honetan ezin izango da pasarela erabili, lasterketan handik pasatzen delako; ordez, semaforoa duen zebra-pasabidea erabili behar izango da.

Hau egin beharko duzu bertara iristean zure egoeraren arabera:
  • Izena eman dut eta txiparen alokairua eskatu dut: 
    1. Zure txipa jaso (NANa utzi beharko da maileguan) 
    2. Irteerara joan 
    3. IRTEERA 
  • Izena eman dut eta nire txipa daukat 
    1. Irteerara joan zuzenean 
    2. IRTEERA 



Helmuga

Konpetizio zentrua eta helmuga Sopelako Udalaren Plazan egongo dira. 

Nola heldu


Sopela. Leku interesgarriak


Izen-emateak

    Prezioak
    • 7 euro (5 euro COBi bazkideak). Adingabekoak: 2 euroko deskontua
    • Kirol Asegurua: 2 euro
    • SPORTident Alokairua: 2 euro. Adingabekoak: Euro 1eko deskontua
    • In situ Izen-emateak: EZ dira onartzen
    • Eskola Kirola: 3 euro  (izen-ematea derrigorrezkoa)

    Kirol Asegurua


    Mendi mailako kiroletarako asegururik ez baduzue, kasurako FEDO edo mendiko lizentzia, antolatzaileok gomendatu egiten dizuegu eguneko asegurua kontratatzea. 2€ko prezioa du eta, baliokoa izateko, izen ematea egiterakoan datu guztiak bete behar dira horretarako formularioan (izena, abizenak, NAN zk., eta jaiotze-data)

    Izen-emateak eta Ordainketa


    Aurten izen emateak Runedia plataformarekin egingo dira baita ere. Proban izena emateko MODU BAKARRA da. Lan hori errazteko, pertsona batek 5 partehartzaile inskriba ditzake eta ordainketa bakarra egin guztiengatik. Dena den, laguntzaile bezala inskribatu gabeko pertsonak joan litezke, nahi izanez gero. 

    COBiko bazkideen izen emateak euren saldotik kobratuko dira, beraiek horrela nahi badute, eta ez zaie kobratuko plataformaren bidez. Dena den, Runediaren bidez egin behar dute inskripzioa. 

    Epea: otsailaren 20a, asteazkena, 23:59ak arte. 



    Inscripciones / Izen-Ematea

    Mugikorrean edo tablet-ean gaizki ikusten baduzue, horizontalean jarri edo hurrengo zuzeneko esteka erabili: 



    Izen ematea eginda eta baieztatuta daukazuenean hurrengo estekan ikus dezakezue: 



    ANIMATU ETA PARTE HARTU!

    Antolatzailea


    Club de Orientación Bidea


    Laguntzaileak

    http://www.sopelaudala.org/index.php/es/


    www.deia.eus



    http://web.bizkaia.eus/