8. Proba. Sopela

Actividades‎ > ‎IV Circuito Popular Jesús de la Fuente‎ > ‎

Contenidos
1 Azken Berriak
2 Hasiera
3 Ordutegia
4 Deskribapena
5 Ohar Garrantzisuak
6 Ibilbideak eta Distantziak
7 Haurrentzako Korrelina
8 Materiala
9 Irteera eta Helmuga
10 Nola heldu
11 Izen-ematea

En castellano

Azken Berriak

Dutxak: eskuragarri polikiroldegian, mapa erakusten.
Irteera: Sopelako Udal Plazan, helmuga bezela.
Mapa: maparen eskala 1:10000 izango da Open Gorrian eta 1:5000 Open Horian.

Hasiera

Apirilaren 30an, igandea, Jesus de la Fuente Orientazio Zirkuitu Herrikoiaren azken proba lehiatuko da Sopelan. Proba herrikoia izango da eta ez da saririk egongo irabazleentzat, orientazio kirola erakustea baita bere helburua.

Lehen edizioa gaueko proba izan zen, bigarrena Munarrikolanda inguruko mendietatik igaro zen eta oraingo 3. edizio honetan rogaine bat izango da. Proba mota honetan bakoitzak bere ibilbidea aukeratu beharko du eta estrategia oso garrantzitsua izango da.

Parte hartzaileak berriz ere Burnizko Gerrikoan murgilduko dira, hau da, lehen Eusko Jaurlaritzak Gerra Zibilan Bilbo babesteko eraiki zuen gotorlekuen inguruan. Lubakiak eta bunkerrak Munarrikolanda mendia betetzen dute eta baliteke bertan balizaren bat topatzea.

Sopelako herriak ere garrantzia izango du proba honetan, udaletxe ingurutik Larrabasterraraino. Herriaren txoko guztietatik igarotzeko eta herria kostaldearekin lotzeko aukera izango duzue.

Zuen ibilbidea aukeratu eta animatu bakarrik, lagunekin edo familian parte hartzera. Gogoratu proban zehar ingurugiroa zaindu beharko dugula, antolatzaileen argibide guztiak zehatz-mehatz jarraituz. Hemen irakur ditzakezue arauak.

Ordutegia

8:30 Azken orduko izen-emateak, erregistroa eta Sportident jasotzea
9:45 Azalpentxoa
9:55 Mapen ematea
10:00 Open Gorria: irteera
10:30 Open Horia: irteera
12:00 Open Horia: zigorrik gabeko helmugaren itxiera
12:30 Open Gorria: zigorrik gabeko helmugaren itxiera
12:50 Helmugaren itxiera eta oparien zozketa
Oharra Antolakuntzak irteera atzeratzen badu, helmugaren ordua ere atzeratu egingo da, 2h30min-ak open gorrian eta 1h30min-ak open horian bete daitezen.

Deskribapena

Proba mota: Rogainea (puntukako eta ordenik gabeko orientazio lasterketa)
Modalitatea: banaka, oinez. Hala ere, zirkuitu herrikoiko beste probetan bezala parte hartzaileak taldeka atera daitezke.
Mapa: ohiko orientazio mapa
Kronometrajea: Sportident
~~Eskala: 1:15.000 open gorrian eta 1:7.500 open horian~~
Eskala: 1:10.000 open gorrian eta 1:5.000 open horian
Iraupena: 2h30min open gorrian eta 1h30min open horian. Denbora mugatik aurrera, minutu bakoitzeko 5 puntuko zigorra jasoko du parte-hartzaileak, 20 minutu pasa arte (100 puntuko zigorra); hortik aurrera, puntu guztiak galduko ditu.

Rogaine motako lasterketa da. Ezaugarriak:

Kontrolak aukeratzeko askatasuna. Ez da derrigorrezkoa guztietatik pasatzea.
Ordena askea da. Ez da derrigorrezkoa denak ordena zehatz batean egitea.
Kontrol-puntu bakoitzak puntuazio bat dauka lotuta, hori bilatzeko zailtasunaren araberakoa. Kontrol batetik pasatzen den parte-hartzaile bakoitza puntuak metatzen joango da, azken sailkapenera begira.
Puntu gehien dituenak irabaziko du. Berdinketa kasuan, puntuak lortzen eta helmugara heltzen denbora gutxien eman duena izango da irabazlea.

Ohar Garrantzisuak

Lasterketa inguruan jabetza pribatu asko daude. Mapan oliba berdez edo magentaz margotuta daude eta guztiz DEBEKATUTA egongo da haietan sartzea edo haiek igarotzea. Zuen ibilbidea haietatik ez pasatzeko moldatu beharko duzue.
Gogoratu beharrezkoa dela edozein kasutan helmugatik eta Sportident ordenadoretik igarotzea, antolakuntzak jakin dezan.
Probak kaleak eta errepideak zeharkatzen ditu. Adi egon hauek gurutzatzean. Mapan igarobide batzuk egongo dira margotuta arriskurik gabe gurutzatu dezazuen. Igarobide hauek oinezkoen pasabideak edo antolakuntzak markatutako tokiak izango dira.

Ibilbideak eta Distantziak

2 kategoria egongo dira balizen zailtasuna eta distantzia orokorrera egokituta.

Open horia:

Umeentzat eta haien laguntzaileentzat, hasiberrientzat edo orientazioa lasai hartzen dutenentzat. Ez da egokia haur-kotxeentzat edo gurpil-aulkientzat.

Open gorria:

Orientazioan esperientzia handia dutenentzat. Zailtasun tekniko eta fisiko handiagoa.

Oraingoan ez da ume eta gazteentzako HI edo GI kategoriarik egongo, rogainea izanda.

Etxebarriko eta Zugastietako probetan bezala, ez da egongo open laranjarik. Kategoria honetan parte hartzen duzuenek open gorrian edo horian eman dezakezue izena. Open gorria egitekotan nahi dituzuen balizak baztertu ditzakezue eta open horia egitekotan baliza guztiak hartzen saiatu zaitezkete, hala ere, zailtasun teknikoa txikia izango da.

Haurrentzako Korrelina

Plazan bertan txikienentzako (8 urtera arte gutxi gorabehera) beraien marrazki bizidun gogokoenak dituzten balizak jarriko dira. Izen ematea doakoa da baina hemen egin beharko da 28ra arte (ostirala) 23:59ak arte. Aurretik izena emandakoek oparitxo bat izango dute.

Materiala

Iparrorratza
Berokia, haize-babesa edo softshell-a
Txanoa edo buff-a
Sportident
Erlojua/kronometroa
Ura
Janaria: gailetak, barratxoak, gelak...
Sakelako telefonoa
Errotuladorea: mapan ibilbidea marrazteko

Partehartzeko iparorratza beharko duzu eta Sport Ident pintza ere. Ez badaukazu iparorratzik, orientazio-iparrorratzak prest egongo dira behar dituztenei uzteko irteeran. Horren fidantza bezala NANa utzi beharra dago.

Kronometraje sistema elektronikoa da (Sport Ident). Zirkuituren III. edizioan erabiltzen hasi zena; parte-hartzaileek pintzak alokatuko dituzte (fidantza bezala NANa utzi beharra dago). Sistema honen bidez emaitzen gestio azkarrago eta hobea lortuko dugu eta, gainera, parte-hartzaileok ere errazago "pikatuko” dituzue balizak. Pintza galduz gero, balio duena ordaindu beharra dago (40 euro).

Gure lasterketan sarri parte hartzen baduzu, gure gomendioa pintza erostea da. Informazio orokorreko gunean azalpen gehiago dituzue.

Irteera eta Helmuga

Kirol Zentrua Sopelako Udal Plazan izango dugu. ~~Hortik Baleako Parkera joango dira partehartzaileak mapak hartzeko eta irteera egiteko~~. Hantxe bertan izango dira bai irteera baita helmuga ere.

Nola heldu

Sopelako Udala

Oraingoan metroa erabiltzea gomendatzen dugu, geltokia irteera eta helmugatik oso gertu dagoelako. Kotxez etortzekotan 500 metrotara aparkatzeko leku asko dago.

Izen-ematea

Prezioak

Aurre inskripzioa: 6 euro (4 euro COBiko bazkideentzat)
Kirol asegurua: 2 euro
Sport Ident pintzaren alokairua: 2 euro
In situ izen-emateak: : 2 euro gehiago
Mesedez, eman izena ezarritako epearen barruan, probaren egunean behar den beste mapa prest izateko; Izan ere, aldez aurretik eskatu behar ditugu. Horregatik, mapak hartzeko lehentasuna izango dute aurre inskripzioa egin eta ordaindu dutenek.
Ez dugu maparik ziurtatzen aurre inskripzioa eta ordainketa ez baduzue egiten.

Kirol Asegurua

Mendi mailako kiroletarako asegururik ez baduzue, kasurako FEDO edo mendiko lizentzia, antolatzaileok gomendatu egiten dizuegu eguneko asegurua kontratatzea. 2€ko prezioa du eta, baliokoa izateko, izen ematea egiterakoan datu guztiak bete behar dira horretarako formularioan (izena, abizenak, NAN zk., eta jaiotze-data)

Izen-ematea eta epeak
Aurten izen emateak Runedia plataformarekin egingo dira. Proban izena emateko MODU BAKARRA da. Lan hori errazteko, pertsona batek 5 partehartzaile inskriba ditzake eta ordainketa bakarra egin guztiengatik. Dena den, laguntzaile bezala inskribatu gabeko pertsonak joan litezke, nahi izanez gero.

COBiko bazkideen izen emateak euren saldotik kobratuko dira eta ez zaie kobratuko plataformaren bidez (salbuezpenak; pintza alokairua edota eguneko asegurua). Dena den, Runediaren bidez egin behar dute izen-ematea.

Link honen bitartez eman ahal duzue izena: Izen-emateko formularioa
Apirilak 26ra arte, asteazkena, 23:59ra arte. Momentu horretatik aurrera formularioa itxi egingo da, baina dena dela, lasterketa egunean bertan ere eman ahal izango duzue izena 2 euroko errekarguarekin. Horrela eginez gero, ez dago ziurtatuta mapak egotea aurrez izena eman ez dutenentzat. Zure izen-ematea ziurtatuta dagonean, link honetan egiazta dezakezue: Izen-emandakoak

PARTE HARTU!!!

Colaboradores