Informazio teknikoa

Proba mota: Rogaine (Score orientazio-lasterketa (ordenarik gabe) eta puntuka).

Mota: Oinez, menditik, bakarka. Zure lagunekin joan nahi baduzu, ez dago arazorik.
Iraupena: 3 ordu.
Distantzia: 26km 1400md+ (Check Point guztietatik pasatzeko gutxi gora beherako datuak)
Kronometrajea: Sportident.
Mapa: Ortoargazki-mapa. Aireko argazkiaz gain, bideak, errepideak, malda-kurbak, eraikuntzak, errekak eta abar egongo dira marraztuta.
Eskala: 1:10.000
Distantziakidetasuna: 10 metro.
Papereko formatua: A3
Kontrol kopurua: 30
Gutxieneko kontrol-puntuazioa: 3 puntu.
Gehieneko kontrol-puntuazioa: 9 puntu.

3 ordu pasa eta gero, minutu bakoitzeko 5 puntuko zigorra jasoko du partehartzaileak, 20 minutu pasa arte (100 puntuko zigorra); hortik aurrera, puntu guztiak galduko ditu.

Score motako lasterketa da. Ezaugarriak:

Kontrolak aukeratzeko askatasuna. Ez da derrigorrezkoa denetatik pasatzea.
Ordena askea. Ez da derrigorrezkoa denak ordena zehatz batean egitea.
Kontrol-puntu bakoitzak puntuazio bat dauka lotuta, hori bilatzeko zailtasunaren araberakoa. Kontrol batetik pasatzen den parte-hartzaile bakoitza puntuak metatzen joango da, azken sailkapenera begira.
Puntu gehien dituenak irabaziko du. Berdinketa kasuan, puntuak lortzen eta helmugara heltzen denbora gutxien eman duena izango da irabazlea.

Beraz, ez dago ibilbide zehatzik.

Beste kontu garrantzitsu bat: kontrolen puntuazioa. Irizpide hauek aplikatzen saiatu gara:

Ibili beharreko distantzia.
Ibilbidearen zailtasun fisikoa (batez ere, desnibela).
Ibilbidearen zailtasun teknikoa (lurzoru mota).
Beste kontrol batzuetatik hurbil egotea

Bi kategoria egongo dira:

Open horia: Proba laburragoa nahi dutenentzako. Mapak Open gorriaren kasuan baino lur-zati txikiagoa hartzen du eta baliza gutxiago daude (19 baliza). Oso egokia da proba mota hau egiten hasi nahi dutenentzako.
Open gorria: Ganguren mendiko hegalaren zati handi bat hartzen duena mapa. 30 baliza ditu guztira eta distantzia handia. Egokia da normalean menditik korrika ibiltzen direnentzat eta oraingo honetan orientazio / estrategia puntua ere gehitu nahi diotenentzat; gainera, orientazio, raid eta bestelako probak egiteko ohitura dutenentzat ere egokia da.

Bi sailkapen orokor egongo dira, baina ez da adinaren edo sexuaren araberako bereizketarik egingo. Ez da lehenengoentzako saririk ere egongo. Herri-lasterketa bat da.

Mapa proba honetarako egin da bereziki. Ortoargazki-mapa bat da. Aireko argazkiaz gain, bideak, errepideak, malda-kurbak, eraikuntzak, errekak eta abar egongo dira marraztuta.

KONTUZ!!!

Errespeta itzazu trafiko arauak eta zeharkatu kaleak oinezkoen pasabidetatik.

Beharrezko materiala

Menditik ibili edo korrika egiteko oinetako egokiak
Haize-babesa
Bisera edo buffa
Sportident
Edariak eramateko ontzia (ur-botila, bidoia, camel back…)
Jatekoa (hiru orduz esfortzu fisikoa egingo badugu, gomendagarria da zerbait hartzea, hala nola: Gailetak, barratxoak, gelak...)
Erlojua - kronometroa
Telefono mugikorra

Gomendatutako materiala

Errotuladoreak
Iparrorratza

Debekatutako materiala

Guztiz debekatuta dago gps eta bestelako komunikazio-sistemak erabiltzea.

Programa

08:00 - 09:00h	Izen-ematea, erregistroa eta Sportidient jasotzea
09:30h	Aurreko briefing-a, probaren inguruko azalpen batzuk eta zalantzak argitzea.
09:55h	Probari dagozkion mapak ematea.
10:00h	Open gorriko parte-hartzaile guztien irteera.
10:05h	Open horiko parte-hartzaile guztien irteera.
13:00h	Open gorriko parte-hartzaileentzat zigorrik gabeko epearen muga. 20 minutu pasa eta gero helmuga itxiko da.
13:05h	Open horiko parte-hartzaileentzat zigorrik gabeko epearen muga. 20 minutu pasa eta gero helmuga itxiko da.